INFOMAX.MK

САД денеска воведоа санкции за Горица и Игор Додик, ќерката и синот на претседателот на Република Српска, Милорад Додик, како и фирмите во нивна сопственост.

„Игор и Горица Додик се клучен дел од мрежата за поддршка на Додик и ја овозможуваат неговата корупција. Тие земаа јавни средства на Република Српска и граѓаните за сопствено збогатување“, објави американската амбасада во Сараево.

Се додава дека поддржале и „дестабилизирачки политики, акции и реторика, кои го оспоруваат и поткопуваат суверенитетот, територијалниот интегритет и мултиетничкиот карактер на Босна и Херцеговина, вклучително и нападите врз Дејтонскиот мировен договор и Уставот на Босна и Херцеговина“.

Ресторанот „Агапе“ во сопственост на Горица и Ивана Додик, сопругата на Игор Додик, фирмата „Агровоќе“ која се поврзува со Горица Додик, фирмата „Фрут Еко“ која се поврзува со Игор Додик, како и фирмата „Глобал Либерти“, кои се поврзани со Игор и Горица Додик.

Министерството за финансии на САД денеска објави дека се воведени санкции за „прорускиот националистички лидер на босанските Срби“, како и за други поединци и ентитети поврзани со него, пренесе Бета.

Милорад Додик претходно беше на американската „црна листа“ поради попречување на Дејтонскиот мировен договор.

Додик е под санкции и на Велика Британија.