Руски амбасадор: Центарот на светската моќ се преместува во Евроазија

Голема Евроазија се стреми да ги реализира идеите за неделива безбедност во светлината на американските планови за изградба на „нов светски поредок“ со зачувување на колонијалните пристапи, изјави за руските медиуми рускиот амбасадор во Белорусија, Борис Гризлов.

„Токму западната политика доведе до деградација на системот на меѓународни гаранции. Во овој контекст, карактеристична е изјавата на американскиот претседател Џозеф Бајден, кој се подготвува да изгради „нов светски поредок во одредена смисла“ за човештвото. Но, ако САД и НАТО не се откажат од колонијалните пристапи и деструктивните политики во односите со другите земји, страшно е да се замисли каков модел на нов свет можат да понудат“, оценува Гризлов.

Сепак, како што вели, големата Евроазија оди по друг пат.

„Ние се стремиме кон практично спроведување на идејата за неделива безбедност, заснована на суверена еднаквост на државите. Никој не се обидува да наметне игра со нулта сума, за да ја обезбеди својата безбедност на сметка на другите. Тие основни принципи се консензуални и овозможуваат да се разговара за можната архитектура на евроазиската безбедност на истиот јазик“, објасни Гризлов.
Тој наведува дека светскиот економски центар на моќ се сели во Евроазија, а во тек е активна консолидација на макрорегионот како посебен геополитички и геоекономски простор. Дипломатот сепак посочува дека постојано растат заканите кои се појавуваат по целиот периметар на Евроазија и глобалниот југ.

Нивниот главен извор е на Запад. На локално ниво, ги гледаме катастрофалните последици од акциите преземени од САД и НАТО против одредени земји во обид да се зачува светското лидерство. Обоените револуции, замрзнатите конфликти, војните започнати од Западот во Африка и Блискиот Исток, кризата во Украина формираат појас на нестабилност околу големата Евроазија. Со зголемување на ризикот, евроатлантскиот блок смета на ограничување на економскиот развој на Русија, Кина и низа други земји“, заклучува Гризлов.

Од 26 до 27 октомври во Минск ќе се одржи меѓународна конференција на високо ниво посветена на евроазиските безбедносни прашања.

Share on Facebook

Tweet

Follow us

Save