Хамас вели дека Газа ќе продолжи да се спротивставува на инвазијата на Израел

Гази Хамад, портпарол на палестинското исламистичко движење Хамас, увери во понеделникот дека Појасот Газа ќе продолжи да се спротивставува на копнената инвазија на Израел.

„Израелската држава и армија не беа во можност да постигнат никакви воени или политички резултати од почетокот на војната. Појасот Газа ќе продолжи да се спротивставува на копнената инвазија на Израел“, ја цитира неговата изјава ТВ каналот Ал Арабија.

Според Хамад, обидот на Израел „да го блокира патот Салах ад-Дин во Појасот Газа е неуспешен“. „Израелските сили наидоа на отпор во сите области и претрпеа големи загуби“, додаде тој.

Портпаролот на раководството на Хамас нагласи дека „повеќето од убиените како резултат на израелските напади врз Појасот Газа се жени и деца“. Поради гранатирањето беа оштетени или целосно уништени околу 200 илјади станбени единици.

Хамад изрази уверување дека Палестинците ќе успеат да го победат својот непријател. „Победата е наша. Ние сме уверени во издржливоста на нашиот народ. Палестинците се силни, обединети и издржливи и тие го продолжуваат својот отпор во војната“, заклучи тој.

Според Министерството за здравство на Појасот Газа, бројот на жртвите во енклавата по почетокот на уште една ескалација на Блискиот Исток на 7 октомври се зголеми на 8.306. Меѓу жртвите има 3.457 деца и 2.136 жени. Вкупно, најмалку 21.048 луѓе беа погодени.

Share on Facebook

Tweet

Follow us

Save