„Политико“: Администрацијата на Бајден верува дека деновите на Нетанјаху на власт се избројани

Американскиот магазин „Политико“ објави дека американскиот претседател Џо Бајден и неговите главни соработници веруваат дека политичките денови на Бенјамин Нетанјаху се избројани и дека тоа мислење му било пренесено на израелскиот премиер во неодамнешниот разговор.

Во извештајот се цитираат двајца високи претставници на администрацијата, како и актуелен и поранешен американски функционер. Сите, наводно, навеле дека администрацијата верува дека времето на Нетанјаху на власт е ограничено.

„Ќе мора да се пресмета во израелското општество околу она што се случи“, изјави еден од официјалните лица за „Политико“.

Сè потврдокорните позиции на Нетанјаху во текот на годините ги вознемирија соработниците на Бајден кои сè уште го поддржуваат создавањето на палестинска држава. Во текот на изминатата година, тој наиде на јавна осуда од Бајден поради тоа што сака да го промени израелското правосудство, што многу Израелци го сметаат за штетно за нивната демократија.

Сега американските официјални лица се повеќе разговараат со Бени Ганц, член на сегашната влада на единство; Нафтали Бенет, поранешен премиер; и Јаир Лапид, лидер на опозицијата и поранешен премиер на Израел, рече поранешниот функционер.

„Дури и најдоброто сценарио за Израел во оваа војна веројатно нема да го задржи Нетанјаху на власт бидејќи ужасот од нападите на 7 октомври ќе остане свеж и затоа што многу Израелци веќе директно го припишуваат недостатокот на безбедност на политиката на Нетанјаху“, рече Хагар Чемали, поранешен функционер во Советот за национална безбедност и министерството за финансии во администрацијата на Обама.

Share on Facebook

Tweet

Follow us

Save