(Видео) Јанески: Младите да не се лажат дека ќе променат нешто ако одат во СДС или ДПМНЕ, промената е во Левица

Младината на Левица и Левица како партија секојдневно растат, истакна во денешното гостување во Тешки муабети, раководителот на Црвена младина, Марио Јанески.

– Можам да кажам дека младите го надминуваат стравот, се охрабруваат, ние сме најбрзорастечка партија и младина во Македонија. Секојдневно растеме, се зголемува бројот на активисти, на симпатизери и тоа ми дава надеж, мислам дека сме на прав пат.

Ги повикувам сите кои се двоумат да се приклучат, важно е да се охрабрите и да дојдете заедно со нас, рамо до рамо да се бориме.

Ние не собираме шуто и рогато, кај нас доаѓаат млади кои прашуваат што можат да направат, како да помогнат. Јас имам пријатели кои биле во УМС или СДММ и кажуваат дека таму се зборува само за вработувања, кој на која позиција ќе биде, таму нема идеологија туку само лични интереси.

Да не се лажат младите дека ако одат во овие партии ќе можат да променат нешто, вели Јанески.

Share on Facebook

Tweet

Follow us

Save