(Видео) Палестинскиот премиер се расплака на седница на владата

Палестинскиот премиер Мохамед Штајех се расплака на седница на владата додека раскажуваше приказната за мајка чии деца биле затрупани под урнатините на Газа.

– Децата пишуваат имиња на нивните тела за да може да се идентификуваат телата. Мајката на трите деца кои се затрупани под урнатините им вели на своите деца: „Да ве видам, макар и на сон“, рече Штајех и се расплака.

– Израелскиот министер за наследство не беше задоволен со 10.000 мртви, повеќе од 25.000 ранети и милион раселени. Сакаше да ја види Хирошима во Газа. Сакаше да види геноцид извршен со нуклеарна бомба што Израел ја поседува. Крвожедно лице сака да убие заради убиство, продолжи тој.

Штајех нагласи дека „Меѓународниот кривичен суд сега мора да издаде налог за апсење на криминалците како чекор на претпазливост за да се запре машината за убивање“.

– Ги поздравувам земјите кои ќе поднесат барања до судот за кривично гонење на криминалците. Од луѓето со совест и бранители на човечките вредности се бара брзо да дејствуваат за да се запре агресијата што го претвори Појасот Газа во појас на крвта, рече тој.

https://twitter.com/mehrobangash15/status/1721520174073847870?ref_src=twsrc%5Etfw%7Ctwcamp%5Etweetembed%7Ctwterm%5E1721520174073847870%7Ctwgr%5E936d46def54c01cadd1d424445a3cfa6d34a0b90%7Ctwcon%5Es1_&ref_url=https%3A%2F%2Fkurir.mk%2Fvesti%2Fsvet%2Fpalestinskiot-premier-se-rasplaka-na-sednica-na-vladata%2F

Share on Facebook

Tweet

Follow us

Save