Димитриевски: Дојдовме во Рим да одиграме уште еден голем натпревар

Голманот на Рајо Ваљекано и македонската репрезентација Столе Димитриевски како и секогаш е оптимист пред вечерниот меч против Италија во Рим.

Искусниот чувар на мрежата е свесен што го очекува на Олимпико, но верува во добар резултат пред крајот на квалификациите за Европското првенство.

„Знаеме дека на Италија ѝ се потребни бодови за пласман на Еуро 2024, но и нам ни требаат бодови. Ќе биде тешко, ама уште имаме надеж дека ќе се пласираме и ние и затоа дојдовме во Рим да одиграме уште еден голем натпревар.

Претходниот меч против ‘аѕурите’ на италијанско тло беше историски за нас и благодарение не Трајковски направивме нешто што ретко се гледа. Јас сум особено поврзан со Италија бидејќи во 2017 година дебитирав за македонската репрезентација на мечот во Торино кога одигравме 1-1. Италија е големо име во светскиот фудбал, но и покрај тоа, ние секогаш наоѓаме начин против вас да играме најдобро“, изјави Димитриевски.

Share on Facebook

Tweet

Follow us

Save