Петровска: Да бидеме горди, нашата држава е гарант за безбедноста во регионот!

Министерката за одбрана Славјанка Петровска во дневникот на Македонската телевизија, во однос на пораките кои ги сподели генералниот секретар на НАТО, Јенс Столтенберг порача дека граѓаните треба да бидат горди зашто Македонија е гарант на безбедноста и стабилноста на регионот, нешто што е препознаено и од Алијансата имајќи предвид дека генералниот секретар Столтенберг својата регионална посета ја завршува во Македонија, а во Скопје утре ќе се одржи и неформалниот лидерски самит на сојузничките земји – Македонија, Албанија, Хрватска, Црна Гора и Словенија.

Министерката посочи дека директна опасност по безбедноста на државата нема и порача дека и покрај стравувањата, Русија не може да предизвика војна на Балканот ако за тоа нема сојузници, а дека во Македонија и земјите од регионот сојузници за нови војни нема.

Во контекст на зацврстувањето на регионалната безбедност и оневозможувањето на обидите за влијание од трети земји во земјите од регионот, најдобар одговор е процесот на евроатлантска и европска интеграција.

Share on Facebook

Tweet

Follow us

Save