Поранешен член на ОВК убиен во Франција

Во францускиот град Дижон, поранешен припадник на ОВК од селото Горње Рашане кај Косовска Митровица бил убиен од заскитан куршум при пресметка на криминални банди.
Веста за смртта на Вељи Садику (55), која ја пренесоа француските медиуми, ја соопштија членовите на неговото семејство.

На Фејсбук напишаа дека бил убиен додека спиел во својот кревет од заталкан куршум кој влегол низ прозорецот.

Обвинителот во Дижон соопшти дека двете лица кои пукале од автомобилот се во бегство.

Садику бил погоден со куршум во неговиот стан на првиот кат, во делот од градот познат како „Сталинградска област“.

Неговата ќерка изјавила за Фигаро дека таа и нејзината мајка биле разбудени од пукање, а кога отишле во собата на нејзиниот татко, тој бил мртов во својот кревет.

Таа истакна дека пред неколку години веќе имало пукање пред нивната зграда и дека куршумите го погодиле нивниот стан.

„Би сакал Франција подобро да ги заштити своите жители. Сакам да го напуштам Дижон“, изјави ќерката на убиениот.

Семејството Садику живее во Франција веќе 14 години.

„Тој беше колатерална жртва на истрели кои не беа насочени кон него“, рече обвинителот Оливие Каракоч.

Војните за превласт на пазарот на кокаин се честа појава во Дижон, посочуваат француските медиуми и додаваат дека годинава како „колатерална штета“ загинале дури три лица.

Share on Facebook

Tweet

Follow us

Save