Пукање во Канада: Пронајдени три безживотни тела и двајца ранети

Три лица загинаа, а две се ранети во пукање кое се случило во неделата рано наутро во градот Винипег, провинцијата Манитоба на западот на Канада, соопштија локалните власти.

Полициската управа во Винипег соопшти дека пукањето се случило нешто по четири часот наутро, на локација еден километар западно од центарот на градот, а на местото на престрелката се пронајдени три безживотни тела и две ранети лица, јавува Си-Ен-Ен.

„Овој инцидент се случи во станбена зграда со неколку станови. Засега нема информации за можен мотив“, изјави Џејсон Михалишен, портпарол на полицијата во Винипег.

Маж и жена биле прогласени за мртви на местото на злосторството, а три жртви биле пренесени во болница, но едната од нив подоцна починала од повредите.

„Две жртви, маж и жена, остануваат хоспитализирани и во овој момент се во критична состојба“, изјавил портпаролот на полицијата во Винипег.

Share on Facebook

Tweet

Follow us

Save