Курти: Граѓаните на Косово и Албанија да имаат чувство дека живеат на исто место
![t](https://infomax.mk/wp-content/uploads/2023/01/albin-Kurti.png)
Косовскиот премиер Албин Курти денеска од Форумот за регионален развој на Косово и Албанија во Ѓаковица изјави дека соработката меѓу Приштина и Тирана треба да се води од идејата да им се олесни животот на граѓаните, до чувството дека се живее во исто место.
На собирот на тема „Можности за регионална соработка меѓу Косово и Албанија“, организиран од Министерството за регионален развој, Курти во воведното излагање укажа на фактот дека конференцијата се одржува во Ѓаковица, точно еден ден пред 28 ноември.
„Севкупната соработка меѓу нашите две земји треба да се води од идејата да им го олесниме животот на граѓаните, до чувството дека живеат на исто место, со исти вредности, под исти закони и правила, без пречки и без промени кои ја отежнуваат или забавуваат нивната комуникација и секојдневните активности“, рече Курти, а соопшти и косовската влада.
Тој повтори дека владите на Косово и Албанија спроведоа 58 нови договори, речиси четири пати побрзо од сите претходни години, од вкупно 184 потпишани договори.
Тој додаде дека сите потпишани договори, како и договорите што се подготвуваат, го „корегираат изолационистичкото минато“ и отвораат нови можности за претприемачите, студентите и граѓаните, производителите и потрошувачите.
Како особено важен Курти го наведе договорот за воспоставување на железничката врска Приштина – Драч.
Според него, олеснувањето на трговијата, отстранувањето на трговските бариери и промовирањето на слободното движење на граѓаните се важни чекори кон заедничката економска интеграција, споменувајќи го отворањето на две косовски царински испостави, во Драч и Порто-Роман, преку кои Косово доби излез до морето.
„Таму се царинат сите стоки наменети за Косово, што директно им помага на компаниите кои благодарение на тоа веќе заштедиле девет милиони евра. А, според најновата евиденција, 30 отсто од стоката што доаѓа во Драч е наменета за Косово“, рече Курти.
ПОВРЗАНИ ВЕСТИ
САД се налутија: Косово ги загрозува можностите…
Соединетите Американски Држави оценија дека со континуираните…
Албанија отвора камп за мигранти од Италија
Во Албанија наскоро ќе биде отворен камп…
Добар пример кој го воодушеви регионот: Момче…
Косовските медиуми го фалат гестот на 12-годишник…
ЕУЛЕКС: Подготвени сме да реагираме во случај…
Мисијата на Европската унија за владеење на…
Ѓурѓај: Исправен терминот „северномакедонци“ во резултатите од…
Народниот правобранител на Албанија одговори на дописот…