Арсовска со честитка за денешниот празник

Градоначалничката на Град Скопје, Данела Арсовска, на Фејсбук упати честитка по повод денешниот верски и државен празник, Свети Климент Охридски.

– По повод христијанскиот празник 8 Декември – Свети Климент Охридски, упатувам искрени честитки до Архиепископ Охридски и Македонски г.г. Стефан, Светиот Синод при Македонската Православна Црква – Охридска Архиепископија и на сите припадници на православната вероисповед.

На овој голем ден оддаваме почит на ликот и делото на Св.Климент, основачот на Охридската архиепископија и основоположникот на Охридската книжевна школа. Неговото дело е од големо општествено, книжевно и духовно значење и наш потсетник секогаш да го почитуваме и вреднуваме македонското културно наследство и традиција. Делото на Св. Климент, претставува мотив за посветена работа, солидарност, сплотеност, меѓусебно почитување и добри дела. – напиша Арсовска на Фејсбук.

Share on Facebook

Tweet

Follow us

Save