БЕЛАТА КУЌА: Загрижени сме поради извештаите дека Израел користел бел фосфор во Либан

САД соопштија дека се загрижени поради извештаите дека Израел користел муниција со бел фосфор, испорачана од Америка, во нападот во октомври во јужен Либан.

„Ги видовме извештаите“, изјави портпаролот на Белата куќа, Џон Кирби за новинарите во авионот Ер Форс 1.

„Секако дека сме загрижени за тоа. Ќе поставуваме прашања за да се обидеме да дознаеме малку повеќе“.

Тој додаде дека белиот фосфор има „легитимна воена корист“ за осветлување и за производство на чад за прикривање на движењата.

„Очигледно секогаш кога даваме предмети како бел фосфор на друга војска, тоа е со целосно очекување дека ќе се користи во согласност со тие легитимни цели… и во согласност со законот за вооружен конфликт“, рече тој.

Што е бел фосфор?

Тоа е хемиска восочна цврста супстанција која веднаш се пали при контакт со кислород.

Се лепи на површини како кожа и облека и може да предизвика тешки повреди.

Хемикалиите што остануваат во телото можат да ги оштетат внатрешните органи, па дури и да предизвикаат смрт.

Извештајот првпат се појави во Вашингтон пост, во кој се вели дека најмалку девет цивили се повредени во таков инцидент.

Најмалку три лица се пренесени во болница.

Пост објави дека биле пронајдени остатоци од три артилериски куршуми од 155 милиметри истрелани во селото Деира во јужен Либан.

Се додава дека најмалку четири домови биле изгорени.

Амнести интернешнал изјави за весникот дека инцидентот треба да се истражи како воено злосторство, додека извршниот директор на Хјуман рајтс воч рече дека извештајот треба да се сфати доволно сериозно за „да се преиспита американската воена помош за Израел“, објави Скај Њуз.

Share on Facebook

Tweet

Follow us

Save