,,Арачиновци не плаќаат данок” тоа е веќе минато, градоначалникот вели „не сме повеќе црна овца“

Со доаѓањето на новиот Градоначалник Ридван Ибраими на чело на Општината работите почнуваат да се менуваат драстично,од ден на ден Арачиново бележи само успеси во сите сфери,а успесите ги потврдуваат и релевантни меѓународни организации, велат од кабинетот на градоначалникот на Арачиново.

Во Скопје, во Хотел Холидеј Ин во организација на УСАИД се одржа презентација на соработката со повеќе партнер општини а Градоначалникот на Арачиново Ридван Ибраими ги презентираше податоците за 2023 година во делот на собрани даноци.

Општина Арачиново од вкупно 2675 регистрирани домаќинства успеала да инкасира над 6 милиони денари по основ на локални даноци, што во споредба со 2022 е 422% раст.

Преставникот на УСАИД Бардил Марку во однос на соработката и резултатите за општина Арачиново цело време зборуваше во суперлатив, и ја нарече Арачиново ,,успешна приказна”

УСАИД исто така ја пофали Општина Арачиново и во делот на фискалната транспарентност како општина со најголем раст во 2023 година.

Според најновите истражувања Општина Арачиново од 16 максимални индесни поени освоила 12 што е најголем раст, а исто така Арачиново бележи значително голем раст и во активната транспарентност.

На крајот од денешната презентација како што рече и самиот Градоначалник Ридван Ибраими, Арачиново не е веќе ,,црна овца” туку денес добиваме пофалби и веќе се мериме со многу по големи Општини и финансиски по јаки од нас, но нашето домаќинско работење денес ги бележи првите позитивни резултати, благодарение на помошта и соработката со многубројни меѓународни организации а посебно со УСАИД која во секој момент покажува спремност да ни помогне.

Градоначалникот Ибраими исто така им честиташе но истовремено им се заблагодари на општинската администрација и посебно на граѓаните на Арачиново за постигнатите резултати.

Share on Facebook

Tweet

Follow us

Save