СДСМ: „Св. Наум Охридски“ е модернизирана со набавка на нови апарати, во вредност од еден милион евра
СДСМ континуирано вложува во унапредување и модернизација на здравството во државата, со капитални инвестиции и повисоки плати за здравствените работици, за обезбедување на подобри услови и услуги за лекување на граѓаните. Скопската Клиника за хируршки болести „Св. Наум Охридски“, е модернизирана со набавка на нови апарати, во вредност од 1 милион евра, обезбедени од Владата предводена од СДСМ. Набавен е нов современ апарат за литотрипсија, нов апарат за мамографија со томосинтеза, и лапароскопски столб за изведување на минимално инвазивни хируршки процедури, кој веќе е ставен во функција во оваа Клиника. На Клиниката за ортопедија е пуштена во употреба комплетно реновираната современа хируршка сала, со што се заокружува еден процес кој значи осовременување капацитетите за лекување, интервенции и закрепнување на пациентите – стои во партсикото соопштение на СДСМ.
Оттаму додаваат дека со инвестиција од 15.000.000 денари, средства обезбедени од Фондот за здравствено осигурување и од донации, се овозможило Клиниката да има зголемен број на операции за 20% на годишно ниво а со новата опрема за пациентите се обезбедувала современа и комплетна грижа.
Новата Клиника во Козле, од институт за белодробни заболувања прерасна во клиника каде се овозможува и специјалистичка нега на терцијално ниво. Набавени се голем број на нови апаратури во клиниката за гастроентерохепатологија со комплетно реновиран нов оддел, потоа одделот ендокринологија, Клиниката за токсикологија, како и Одделот за педијатрија во Општа Болница Гостивар. Граѓаните од Сарај за прв пат по 50 години добија модерен поликлинички центар, вреден 1,3 милиони евра.
Реформите и инвестициите во здравство се еден од најважните приоритети на Владата предводена од СДСМ. Тој процес не застана ниту во време на најголема здравствена и економска криза, и затоа во изминатиот период се пуштени во употреба голем број нови реновирани здравствени објекти, како и нова опрема ширум медицинските центри во државата.
СДСМ продолжува со унапредување на здравството, за подобри услови за лекување на граѓаните – велат од партијата на власт
ПОВРЗАНИ ВЕСТИ
Мециновиќ: Левица може да ја замени СДСМ…
Левица може да ја замени СДСМ во…
Битиќи ги демантира сите шпекулации: Останувам во…
Вицепремиерот за економски прашања, Фатмир Битиќи на…
Петровска: Мојот личен рејтинг е во втор…
Министерката за одбрана, која е и претседавач…
Деспотовски: СДСМ има кадровски потенцијал, ако играме…
„Партијата СДСМ има кадровски потенцијал, има луѓе…
Ова се сите 18 пратеници на СДСМ…
СДСМ на последните парламентарни избори освои 18…