Ковачевски за забраната на македонското знаме: Реагиравме веднаш!

Премиерот Димитар Ковачевски денеска истакна дека Австралија се извинила за ставањето на македонското знаме меѓу забранетите знамиња за снимање на „Австралија опен“.

Тој смета дека ова не треба да влијание на односите меѓу двете земји и порача дека Австралија е наша пријателска држава во која што имаме и голема македонска заедница.

„Непријатно чувството и затоа ние реагиравме веднаш. Веднаш стигна извинување од Австралија и појаснување дека се работи за технички пропуст. Тоа не треба да влијае на нашите односи кои ги имаме со Австралија. На натпреварот којшто го играше нашата Лина, инаку гордост на нашиот тенис, имаше македонски знамиња во публиката, така што ние го прифативме тоа извинување на Австралија. Сепак, се работи за џентлменско извинување и се надеваме дека тоа нема да се случи во иднина“, изјави Ковачевски.

Share on Facebook

Tweet

Follow us

Save