Ужас во Еквадор, убиена млада политичарка

Еквадорска советничка е погубена среде бел ден пред толпа само неколку моменти по завршување на состанокот.

Дијана Карнеро (29) претседавала со состанокот на советот во градот Наранхал во Гуајас во средата попладне и снимала видео од лошите услови на патот кога била нападната.

Двајца осомничени мажи ѝ пришле со мотор и ја застрелале во главата пред да избегаат, соопшти полицијата. Канцеларијата на јавниот обвинител на Еквадор соопшти дека ќе спроведе истрага, но засега нема апсења.

Еквадор е во канџите на бранот криминал поврзан со бандите за шверц на дрога.

Еквадорците се загрижени дека насилството само ќе ескалира во земјата во која минатата година беше убиен претседателски кандидат. Пред две недели, претседателот Даниел Нобоа прогласи вонредна состојба и војна против бандите, овластувајќи ја војската да дејствува против нив. Многу луѓе остануваат дома, а училиштата и продавниците се затворени додека војниците патролираат по улиците на најголемите градови во Еквадор.

Карнеро се кандидираше под Движењето на граѓанската револуција, демократска социјалистичка политичка партија формирана од поддржувачи на поранешниот претседател Рафаел Кореа, која беше избрана во градскиот совет на Наранџал во февруари 2023 година. Кореа, кој беше претседател од 2007 до 2017 година, ѝ оддаде почит на Карнеро на платформата Х (Твитер).

Share on Facebook

Tweet

Follow us

Save