„Вашингтон пост“: САД и партнерите од Блискиот Исток подготвуваат мировен договор
САД и неколку блискоисточни партнери подготвуваат детален план за сеопфатен мировен договор меѓу Израел и Палестинците, кој вклучува „цврста временска рамка“ за формирање на палестинска држава, пишува Вашингтон пост, наведувајќи дека повеќе детали би можеле да се знаат во следните неколку недели.
Итноста на напорите е директно поврзана со предложениот прекин на огнот и ослободување на заложниците кои ги држеше Хамас во Газа, со кои преговараа САД, Катар и Египет.
Во извештајот, во кој се цитирани американски и арапски претставници, се вели дека клучот за планот и неговото објавување ќе биде постигнувањето на првично примирје меѓу Израел и Хамас.
За време на оваа пауза, која би траела најмалку шест недели, САД планираат да го објават извештајот, да преземат првични чекори кон негова имплементација, вклучително и формирање на привремена палестинска влада и да се обидат да добијат дополнителна поддршка за овој потег.
„Договорот за заложниците е клучен“, рече еден американски функционер.
Сепак, во извештајот се вели дека не е јасно дали Израел ќе се согласи на таков потег.
Предложениот план вклучува чекори кои претходно ги отфрли Израел и веројатно нема да бидат одобрени од сегашната влада, вклучително и евакуација на многу населени места на Западниот Брег и палестинската престолнина Источен Ерусалим.
И покрај тоа што Египет, Јордан, Катар, Саудиска Арабија, Обединетите Арапски Емирати и палестинските претставници, покрај САД, работат на постигнување договор, постојат стравувања дека најавениот израелски напад врз Рафах ќе ја забрза кризата во Газа и ќе ги поткопа напорите за долгорочен мир, наведува „Вашингтон пост“.
ПОВРЗАНИ ВЕСТИ
Полска спречила можна руска провокација кај границата…
Полските безбедносни служби спречиле можна провокација на…
Главниот товар на истрагата го имаа безбедносните…
Овој случај уште еднаш покажува колку е…
ВМРО-ДПМНЕ: СДС бараше надзорна расправа за Алта…
„СДС ја побара надзорната расправа за Алта…
Борисов: Бугарија се претвора во „пиратска држава“…
Лидерот на бугарската партија ГЕРБ, Бојко Борисов,…
Свеста и чувството дека сум Македонец треба…
Денеска се навршуваат 152 години од раѓањето…