Фон дер Лајен од Киев: Повеќе од кога било, цврсто стоиме покрај Украина
Претседателката на Европската комисија, Урсула фон дер Лајен денеска пристигна во Киев по повод одбележувањето на двегодишнината од руската агресија врз Украина.
Лајен во објава на платформата Х напиша дека Европската унија цврсто стои покрај Украина додека, како што наведе, таа земја конечно не се ослободи.
„Во Киев на одбележување на двегодишнината од руската војна против Украина. И во чест на извонредниот отпор на украинскиот народ. Повеќе од кога било, ние цврсто стоиме со Украина. Финансиски, економски, воено, морално. Додека земјата конечно не е слободна“, изјави Фон дер Лајен.
По повод двегодишнината од војната, во Киев престојува и италијанскиот премиер Џорџа Мелони, која како претседавач на групата Г7 ќе одржи видео-конференција на Г7 на која ќе зборува и украинскиот претседател Володимир Зеленски, пренесува Анса.
Мелони пристигна во главниот град со истиот воз како претседателката на Европската комисија, Урсула фон дер Лајен, белгискиот премиер Александар Де Кроа, кој е ротирачки претседател на Советот на ЕУ и канадскиот премиер Џастин Трудо, а од безбедносни причини дури сега беше објавено дека пристигнале во Киев, наведува италијанската агенција.
ПОВРЗАНИ ВЕСТИ
Бугарија спаси две руски банки од санкциите…
Бугарија побара од Европската Унија да ги…
Русија тврди дека погодила товарен брод со…
Руското Министерство за одбрана соопшти дека неговите…
Мицкоски: Реформската агенда и клучните законски решенија…
Премиерот Христијан Мицкоски изјави дека Владата интензивно…
Зеленски: САД презентирале опција за повлекување на…
Украинскиот претседател, Володимир Зеленски, изјави дека американските…
Не им требаат било какви работници –…
Европскиот пазар на труд се соочува со…