Шарапова му дала отказ на својот татко преку – мејл!

Поранешната руска тенисерка Марија Шарапова се прослави во светот на „белиот спорт“, а најголеми заслуги за тоа имал нејзиниот татко Јуриј кој ја тренирал со години, но на почетокот на 2008 година добил отказ од својата ќерка.

На почетокот на 2008 година, Шарапова решила да му се заблагодари на својот татко за досегашната соработка, но не можела да го погледне во очи, па решила да го „откачи“ преку мејл.

„Мислев дека е најдобро тоа да го направам преку мејл. Не можев да го погледнам во лице и да му кажам дека не сакам да ме тренира. Знаев дека не очекувал такво нешто, не сум горда на мојот потег“, откри Шарапова.

Шарапова во текот на кариерата освои пет гренслем-титули, односно вкупно 39 ВТА-титули, додека на Олимписките игри во 2012 година освои сребрен медал.

Share on Facebook

Tweet

Follow us

Save