УТРЕ ПРЕПОРАКА, А ВО ЈУНИ ОДЛУКА: Босна и Херцеговина е пред отворање на преговорите со ЕУ

Бoсна и Херцеговина треба да ги започне преговорите за пристапување во ЕУ, а Европската комисија се очекува тоа да го објави утре, со што ќе се отвори патот земјата конечно да стане членка на Унијата, открива бриселски „Политико“.

ЕУ ѝ додели на БиХ кандидатски статус во декември 2022 година, а Европската комисија сега ќе даде позитивна препорака за почеток на официјалните пристапни преговори, изјавија за „Политико“ двајца претставници на ЕУ и еден дипломат на ЕУ.

Во вторник Европската комисија ќе предложи т.н преговарачки рамки кои ги одредуваат насоките и основните принципи на нивните пристапни преговори. Тогаш земјите од ЕУ ќе разговараат за тоа. Сепак, дипломатите и претставниците на ЕУ предупредуваат дека договорот меѓу 27-те европски земји, кој е потребен за официјален почеток на преговорите, најверојатно нема да се случи пред европските избори во јуни.

За некои земји од ЕУ, вклучително и Австрија, од витално значење беше напредокот во преговорите со Украина и Молдавија да оди рака под рака со напредокот во идното пристапување на Босна и Херцеговина. Водачите на ЕУ ќе разговараат за препораката за БиХ на состанокот во Брисел следната недела.

Пред објавувањето, министрите за надворешни работи на Австрија, Италија и Германија отпатуваа во Сараево минатата недела за да го поддржат отворањето на пристапните преговори.

На заедничката прес-конференција со германската министерка за надворешни работи Аналена Баербок минатата недела, нејзиниот босански колега Елмедин Конаковиќ рече дека се надева дека нема да има „понатамошни фрустрации“, додавајќи дека е „клучно“ да се има на ум „што ќе се случи ако Босна и Херцеговина не го продолжувајте своето европско патување“.

Share on Facebook

Tweet

Follow us

Save