Пленковиќ: Ова што го направи Милановиќ е обид за мини државен удар
Премиерот на Хрватска и претседател на ХДЗ Андреј Пленковиќ оцени дека постапките на хрватскиот претседател Зоран Милановиќ и СДП е обид за мини државен удар и злоупотреба на институциите, истакнувајќи дека Уставниот суд во својот заклучок бил јасен – дека се крши уставот.
„Одлуката е очекувана. Мислам дека претседателот на Уставниот суд беше јасен. Сè она што и ние го кажавме е дека е јасно дека не само што се излегува од уставната рамка на улогата на претседателот, туку дека директно се кршат не само добри обичаи, туку и самиот устав, а тоа и тие го повторија. Не гледам што друго би можело да се каже“, кажа Пленковиќ.
Уставниот суд вчера донесе заклучок дека претседателот Милановиќ, кој во петокот најави своја кандидатура на листата на СДП, не може да биде кандидат на парламентарните избори додека ја врши должноста претседател на републиката ниту да биде истакнуван како кандидат за премиер.
Милановиќ вчера одлуката на Уставниот суд ја оцени како уставен пуч, порачувајќи дека на крајот ќе биде премиер, повикувајќи ги граѓаните да се обединат против ХДЗ.
На прашањето како ќе ја води кампањата против кандидат за премиер кој нема да учествува во кампањата, но кој јасно кажа дека нема да се откаже од тоа, Пленковиќ кажа дека сè она што се случува со СДП во изминатите денови мора да се нарече со вистинските зборови.
„Ова е обид за мини државен удар, злоупотреба на институциите“, кажа Пленковиќ.
ПОВРЗАНИ ВЕСТИ
Русија ги загрозува бродските рути во Црно…
Бугарските власти располагаат со разузнавачки информации и…
Водата во Струга е забранета за пиење
Водата од водоводната мрежа во цела Општина…
Неофицијално: Авраам-Минос Мојсис бил можна цел на…
Авраам-Минос Мојсис, грчки бизнисмен со еврејско потекло…
Денес се празнува Свети Павле Исповедник, патријарх…
Кога блажениот патријарх Александар лежеше на смртна…
Видете какво ќе биде времето денес
Променливо облачно наместа со повремени врнежи од…