Авионот на Блинкен приземјен поради дефект, тој продолжил кон Брисел со автомобил

Авионот со кој леташе американскиот државен секретар Ентони Блинкен морал принудно да слета во Париз поради механички дефект, па тој и американската делегација што ја предводи го продолжиле патувањето со автомобил во Брисел на состанокот на НАТО.

„Блинкен замина на состанокот на министрите за надворешни работи на НАТО алијансата, кој почнува денеска, објави портпаролот на Стејт департментот,“ пренесува „Ројтерс“.

Блинкен имал проблем и со авионот со кој во јануари пристигнал на овогодишниот Светски економски форум во Давос, поради што морал да остане во Швајцарија подолго од планираното.

По повод 75-годишнината од основањето на НАТО, денеска во Брисел почнува дводневна средба на министрите за надворешни работи на нејзините членки.

Share on Facebook

Tweet

Follow us

Save