Авиони над Загреб: Американската амбасада изведува вежба во Хрватска

Американската амбасада во Загреб соопшти дека денеска во главниот град на Хрватска се одржува вежба за однесување во кризни ситуации, која ќе трае до 12 часа, па на периферијата на градот ќе бидат видливи авиони.

Во соопштението на американската амбасада, пренесено од хрватскиот портал 24сата, се наведува дека обуката ќе се спроведе по неколкумесечни подготовки во координација со хрватските власти.
Самата вежба ќе се одржува на повеќе локации во и околу американската амбасада“, се наведува во соопштението и се додава дека за време на вежбата авионите ќе бидат видливи во предградието на Загреб.

Оваа вежба, велат тие, е кулминација на долгогодишната програма за заедничка комбинирана обука (JCET) меѓу американската команда за специјални операции во Европа и хрватската полиција.
„Оваа последна вежба ја демонстрира посветеноста што САД ја споделуваат во зголемувањето на капацитетите за борба против тероризмот и прв одговор со Хрватска, клучен сојузник на НАТО“, пишува порталот.

Од амбасадите и конзулатите на САД ширум светот се бара да спроведуваат годишни вежби за управување со кризи за да ги подготват вработените за итни случаи од природни или вештачки причини, се вели во соопштението.
„Силните билатерални односи и соработка меѓу Соединетите Држави и Владата на Хрватска создаваат единствена можност да се спроведе оваа заедничка, голема вежба за управување со кризи во живо“, пренесува порталот.
Амбасадата на САД вели дека разбира дека оваа вежба ќе влијае на нормалното работење во Амбасадата и околината и ја цени поддршката на оние за кои вели дека биле погодени од вежбата.

Share on Facebook

Tweet

Follow us

Save