Страотна сцена во Сараево: Пронајдени тела на жена и дете како плутаат по Миљацка

Телата на жена и дете се извлечени од коритото на реката Миљацка во областа Бентбаша во Сараево, објавија локалните медиуми. Станува збор за средовечна жена, а покрај неа било пронајдено дете помало од четири години.

Лекарите на лице место констатирале смрт на двете лица, јавува АТВ.

„Вечерва нешто пред полноќ во Полициското одделение Стари Град е пријавено дека во коритото на река во Миљацка, месноста Бентбаша, е воочено тело. Патролата која излегла на терен ги потврдила наводите од пријавата. На терен се испратени припадници на полицијата, пожарникари, брза помош и ГСС. Во 01 часот и 30 минути е извлечено тело на средовечна жена, заедно со телото на дете до 4 години. Лекарите на лице место констатирале смрт на двете лица“, соопштија од полицијата.

Според засега достапните информации, на телата нема видливи повреди.

Обвинителот го водеше истражниот тим и истрагата која ја вршеа припадници на Управата на полицијата на КС МУП и постојан медицински вештак. Телата на починатите се пренесени во Обвинителството на просектурата Бара.

Полициските службеници под надзор на обвинител продолжуваат да работат на расветлување на сите околности на овој настан.

Share on Facebook

Tweet

Follow us

Save