Објавено на:

Сериозно предупредување: Франција ги повика своите граѓани да не патуваат на Блискиот Исток поради опасност од ширење на конфликтот

t

Француското Министерство за надворешни работи денеска ги советува француските граѓани да не патуваат во Иран, Либан, Израел и на палестинските територии поради опасност од ширење на конфликтот на Блискиот Исток.

Францускиот МСП на платформата Х изјави дека роднините на француските дипломати во Иран ќе се вратат во Франција и дека на француските државни службеници им е забрането да извршуваат какви било мисии во Иран, Либан, Израел и на палестинските територии.

Ирански извори изјавија за „Ројтерс“ дека Техеран му сигнализирал на Вашингтон дека ќе одговори на нападот на Израел врз иранската амбасада во Сирија на начин што има цел да избегне голема ескалација и нема да дејствува избрзано бидејќи Техеран исто така бара прекин на огнот во Појасот Газа.

Во нападот на иранскиот конзулат во Дамаск на 1 април загинаа командантот на Револуционерната гарда во Сирија и Либан, Мохамед Реза Захеди, и неговиот заменик, како и пет офицери, кои ги придружуваа.

Израел тврди дека не стои зад нападот, а неколку официјални претставници на Техеран претходно се заканија со одмазда за нападот, вклучително и врховниот водач на Иран, ајатолахот Али Хамнеи.

ПОВРЗАНИ ВЕСТИ

Осум месеци затвор за Игор Дашковски кој…

Основниот кривичен суд Скопје го осуди 44-годишниот…

Росица пријавувала насилство, тие не постапувале: Обвинение…

Основното јавно обвинителство за гонење на организиран…

Трамп на 19 ноември планира одделна средба…

Американскиот претседател Доналд Трамп планира на 19…

Рубио и експертите тврдат: Технолошките прекини што…

САД не се под системски напад, изјави…

Предложен притвор за вработениот во ДЗС фатен…

Основното јавно обвинителство Скопје донесе Наредба за…