Вечерва на состанокот на воениот кабинет на Израел, Галант ја оценува безбедносната состојба – Пријавен голем прекин на струјата во Тел Авив

Израелскиот министер за одбрана Јоав Галант моментално ја проценува оперативната ситуација со началникот на Генералштабот на израелската армија, генерал-мајор Херц Халеви и високи членови на одбранбениот естаблишмент, пред вечерашниот состанок на Воениот кабинет, пишува „Тајмс оф Израел“.
Министерот за надворешни работи Израел Кац ја одложи утрешната посета на Унгарија и Австрија поради безбедносната ситуација, која вклучува неколку средби со унгарскиот претседател, австрискиот канцелар и министрите за надворешни работи на Унгарија и Австрија.

Голем прекин на електричната енергија е забележан оваа вечер во многу области на Тел Авив како резултат на голем сајбер напад врз израелската електрична мрежа, јави либанската ТВ мрежа Ал Мајадин.
Сајбер хакерска група наречена „Сајбер одмаздници“ во соопштение наведе дека ја презема одговорноста за исклучување на електричната енергија во различни делови на „окупираните територии“.
Групата нагласи дека го извршила овој сајбер напад од југ кон север како одговор на злосторствата на израелскиот режим во Газа.

Share on Facebook

Tweet

Follow us

Save