САД ги осудија сајбер нападите во Европа, а одговорноста и ја препишаа на Русија
Американската дипломатија ја осуди неодамнешната кампања на сајбер напади во Европа и ја обвини Русија, како што веќе направија германската и чешката влада.
„САД силно ги осудуваат злонамерните сајбер активности на руското воено разузнавање против Германија, Чешка, Литванија, Полска, Словачка и Шведска“, рече портпаролот на Стејт департментот Метју Милер во соопштението.
Нападот, според Вашингтон, го извршила хакерска група позната како APT28, „познат опасен актер со долга историја на злонамерни, штетни, дестабилизирачки и нарушувачки практики“.
Стејт департментот потсети дека воведе санкции за одредени „актери“ поради активностите на таа група за време на претседателските избори во САД во 2016 година и активностите против Светската антидопинг агенција (ВАДА).
Во случајот со сајбер нападот во Европа, американските власти соработуваа со Германија за да ги блокираат рутерите што ги користеа напаѓачите, се вели во соопштението за печатот.
Германија и Чешка денеска ја обвинија споменатата група руски хакери под контрола на Москва за неодамнешната кампања на сајбер напади во нивните земји.
ЕУ вети цврст одговор на тоа „злонамерно однесување“.
ПОВРЗАНИ ВЕСТИ
Етиопија и Еритреја трупаат војска, расте стравот…
Етиопија и Еритреја распоредиле дополнителни сили долж…
Илон Маск: „Премногу се зборува дека Украина…
Американскиот милијардер и сопственик на компанијата „Спејс…
Путин ја презема одговорноста за нападите на…
Рускиот претседател Владимир Путин призна дека Москва…
Oбид за убиство во гостиварско Чегране
Надворешната канцеларија за криминалистички работи Гостивар поднесе…
Димовски: Србија го следи примерот на македонската…
Политичките случувања и протестните движења во Србија…