Половина тон кокаин запленет во Британија

Четворица мажи се уапсени откако половина тон кокаин во вредност од околу 50 милиони евра бил пронајден на паркинг на селски паб во Источен Јоркшир, соопшти денеска Националната агенција за криминал (NCA).

Дрогата била пронајдена во комбе на паркинг на паб во Лели.

Мажите, тројца од Шкотска и еден од Колумбија, беа уапсени во саботата под сомнение дека увезувале дрога од класа А и ќе останат во притвор.

Алан Френч, висок истражен офицер за NCA, рече дека заплената на значително количество кокаин ќе и нанесе голем удар на организираната криминална група која се обидела да ја прошверцува дрогата во ОК.

„Нема сомнеж дека оваа дрога би се продавала во заедниците низ Британија“, рече Френч.

Share on Facebook

Tweet

Follow us

Save