Филипче: СДСМ ќе мора да помине низ длабока внатрешна реформа

Идниот пратеник од СДСМ, Венко Филипче, на „Фејсбук“ „од срце“ им заблагодари на сите кои му ја дадоа поддршката на изборите, на оние кои напорно работеа со мене него и го поддржуваа во кампањата.

Во кампањата ветив конкретни работи и активности кои започнувам да ги реализирам уште веднаш. Започнувам со активности и како претставник на граѓаните во Собранието, но и како член на СДСМ меѓу членовите и симпатизерите. СДСМ во следниот период ќе мора да помине низ длабока внатрешна реформа и реорганизација. Верувам дека набрзо одново ќе победува и ќе го врати достоинството и угледот кој како партија го заслужува. Од поразите секогаш е најважно да се извлечат поуки, само така поразот може да се претвори во победа. Во оваа прилика сакам да им честитам на победниците на изборите и да им посакам успешна работа. СДСМ секогаш ќе биде тука како коректив на владините политики и сите општествени текови, пишува Филипче.

Share on Facebook

Tweet

Follow us

Save