Албанија донесе национална стратегија за враќање на иселениците дома
Официјалните податоци на МВР и ИнСтат покажуваат дека во изминатите 10 години, речиси 170.000 граѓани ја напуштиле Албанија, што ја натера владата да донесе национална стратегија за миграција до 2030 година, во чиј центар е враќањето на Албанците преку програми посветени на нивната реинтеграција, пишува Индекс онлајн.
Локалните власти, исто така, ќе можат да понудат стимулации за мигрантите, да ги вратат во нивните региони на потекло или во областите кои се најмногу погодени од недостигот на работна сила. „Со цел да се процени како повратниците можат да придонесат на националниот пазар на труд и каде ќе продолжат да постојат потребите за работна сила, планирани се неколку дијагностички активности.
Прво ќе се изврши ревизија на интелектуалните и професионалните капацитети на албанските имигранти“, се вели во соопштението. Владата одлучи да го промовира враќањето на Албанците преку промоција на инвестициите во земјава, како и подобрување на платите и условите за работа. Друга мерка е олеснување на меѓусебното признавање на квалификациите и компетенциите стекнати во странство. Со цел да се избегне трајно заминување на квалификувани Албанци, МВР го гледа како решение поттикнувањето и промовирањето на привремената миграција, особено циркуларната миграција.
ПОВРЗАНИ ВЕСТИ
Македонски државјани се повредени во сообраќајка во…
Двајца македонски државјани се здобиле со тешки…
МАЕИ бара поголема застапеност на македонското малцинство…
Од исклучителна важност е македонското малцинство, како…
Во Албанија е идентификуван првиот случај на…
Првиот случај на мајмунски сипаници е потврден…
Рама: Албанија доби „зелено светло“ за отворање…
Албанскиот премиер Еди Рама објави дека земјата…
Ѓоковиќ воодушевен од односот на албанските и…
Тенисерот Новак Ѓоковиќ се огласи за натпреварот…