Маж од Тимјаник на неготинци им вклучил полициски сирени преку мегафон на полноќ

Возило во движење низ центарот на Неготино, од кое околу полноќ во саботата кон неделата се слушале полициски сирени и други звуци, ги вознемирило граѓаните.

Како што информираат од СВР Велес, станувало збор за лице од Тимјаник, кое било сопатник во возилото и преку мегафон пуштал вознемирувачки звуци. Мегафонот му бил одземен, а против него ќе била поднесена соодветна пријава.

-На 11.05.2024 околу 00.05 часот од страна на полициски службеници од Полициско одделение за безбедност на патниот сообраќај од ОВР Неготино на улица „Маршал Тито“ во Неготино забележано е патничко возило „рено“ со неготински регистарски ознаки, од кое, додека се движело, се слушале полициски сирени и други звуци, со кои се вознемирувале граѓаните.

Возилото било сопрено и од Г.С.(27) од село Тимјаник, неготинско, кој бил сопатник во возилото, одземен е мегафон. По документирање на настанот, против него ќе биде поднесена соодветна пријава- соопштија од СВР Велес

Share on Facebook

Tweet

Follow us

Save