Вонредна вест! Приведен и обвинител – ова се дателите

Телма неофицијално дознава дека е приведен Иџет Мемети, член на Совет на јавни обвинители, тој е и поранешен Народен правобранител кој ја извршувал функцијата од декември 2004 до 2020 година.

Има сомнение дека Мемети заедно со Наке Горгиев имал влијание злоупотребувајќи ја позицијата член на Советот на јавни обвинители во случајот барање на мито за олеснителни околности за екс градоначалникот кој е во притвор Боро Петрушевски.

Се чека потврда од МВР.

Според информациите на Телма, судијата Горгиев е опфатен во истрага поради сомнеж за барање мито и за поткуп. Во моментот се во тек активности поврзани со судискиот имунитет. За имунитетот на судиите е задолжен Судски совет, а при истраги за судии, сите мерки кои се бараат од страна на надлежните органи за истражување треба да бидат одобрени од Судскиот Совет кој треба да биде известен за тоа.

Share on Facebook

Tweet

Follow us

Save