САД се противат на „едностраното“ признавање на Палестина
![t](https://infomax.mk/wp-content/uploads/2023/10/izrael-sad-amerika.jpg)
САД се противат на „едностраното“ признавање на Палестина, но го предупредуваат Израел да не возврати со прекин на меѓународното финансирање на палестинската управа.
Претседателот Џо Бајден „официјално го поддржува решението со две држави“, изјави за новинарите неговиот советник за национална безбедност Џејк Саливан. „Тој исто така беше категоричен дека решението за две држави мора да се постигне преку директни преговори меѓу страните, а не преку еднострано признавање“, рече Саливан. Тој не ја критикуваше одлуката за официјално признавање на државата Палестина од трите европски земји кои се блиски сојузници на САД. „Секоја земја има право да носи свои одлуки, но позицијата на САД по ова прашање е јасна“, рече Саливан.
Израел одговори луто, вклучително и со отповикување на амбасадорите. Премиерот Бенјамин Нетанјаху ги обвини европските земји дека нудат „награда за теророт“. Крајнодесничарскиот министер за финансии на Израел, Безалел Смотрич, му рекол на Нетанјаху дека сака да се одмазди, вклучително и ставање крај на договорот според кој Норвешка управува со средствата наменети за палестинската управа. Според мировните договори делумно посредувани од Норвешка во 1990-тите, Израел собира пари за палестинската управа, која остварува ограничена автономија во делови од Западниот Брег.
Но, Израел ги блокираше трансферите по нападите на 7 октомври од страна на Хамас, кој владее со Појасот Газа. Саливан рече дека средствата треба да продолжат да одат за палестинската управа, која администрацијата на Бајден сака да ја зајакне со надеж дека ќе може да ја одземе контролата врз Газа од Хамас. „Мислам дека тоа е погрешно од стратешка гледна точка, бидејќи задржувањето средства го дестабилизира Западниот Брег“, рече Саливан за прекинот на средствата од Израел. „Тоа ја поткопува потрагата по безбедност и просперитет за палестинскиот народ, што е во интерес на Израел, и мислам дека е погрешно да се задржуваат средства кои обезбедуваат основни добра и услуги за невини луѓе“, рече тој.
Вашингтон стави вето на неодамнешниот обид на Советот за безбедност на ОН да ја признае државата Палестина, велејќи дека признавањето може да дојде само преку преговори кои ги земаат предвид безбедносните интереси на Израел.
ПОВРЗАНИ ВЕСТИ
САД ќе испратат борбено засилување на Блискиот…
Американската војска ќе распореди дополнителни борбени авиони…
Хантер Бајден ќе ја добие пресудата осум…
Хантер Бајден, синот на американскиот претседател Џо…
САД и Велика Британија ги повикаа нивните…
Амбасадата на САД во Бејрут и британската…
Хрватска набавува најмоќно оружје во својата историја:…
Хрватска го набавува најмоќното оружје што досега…
Блумберг: Размена на затвореници меѓу Русија и…
Новинарот на „Волстрит журнал“ Еван Гершкович и…