(Видео) Фешта на „Комити“, па грмна „Заветна“ од илјадници грла во Струмица!

Фудбалерите на Вардар не дозволија изненадување и враќање во Втората фудбалска лига. Во клучниот натпревар во сезоната „црвено-црните“ со сигурни 2-0 го совладаа Детонит Плачковица и го „одбранија“ прволигашкиот статус.

Вардарци и на оваа средба имаа огромна поддршка од своите фанови кои во Струмица допатуваа во огромен број. Главната трибина од стадионот „Благој Истатов“ беше речиси целосно исполнета од навивачи на Вардар, кои, покрај големата поддршка, приредија вистинска фешта.

Пред самиот крај на натпреварот илјадниците фанови на Вардар ја отпеаја популарната „Заветна“, а на тоа не останаа имуни и останатите присутни гледачи и им се приклучија во изведбата на вардаровите навивачи.

Головите за Вардар на оваа средба ги постигнаа Ѓуриќ и Сушњара.

Share on Facebook

Tweet

Follow us

Save