(Видео) Над 100 илјади фанови на Олимпијакос ја славеа титулата

Првиот европски трофеј за Олимпијакос и воопшто за грчки клуб предизвика голема еуфорија кај навивачите на клубот од Пиреја кои синоќа добро знаеја како да прослават.

Не само Пиреја, тука цела Атина беше во црвена и бела боја, а големото славје дојде само два дена откако големиот ривал Панатинаикос триумфираше во кошаркарската Еврролига. Според извештаите од нашиот јужен сосед, над 100 илјади навивачи на Олимпијакос излегле на улиците на грчката престолнина да слават, со песна и пиротехника.

Олимпијакос е убедливо најтрофеен грчки клуб со 47 титули во домашното првенство и 28 во Купот, но од синоќа е запишан во историјата на фудбалот во својата земја како прв освојувач на европски трофеј.

https://x.com/centregoals/status/1795938900797444574

Share on Facebook

Tweet

Follow us

Save