Иран за првпат има жена кандидат за претседател на државата

Зохре Елахиан стана првата жена што се пријавила за претстојните предвремени претседателски избори во Иран по смртта на претседателот Ебрахим Раиси во хеликоптерска несреќа.
Според иранската агенција Мехр, Елахиан најавила дека мотото на нејзината влада ќе биде „Здрава влада, здрава економија, здраво општество“.

Поранешниот претседател на иранскиот парламент Али Лариџани во петокот ја објави својата кандидатура за претседател на Исламската Република. На Лариџани му беше забрането да се кандидира на претседателските избори во 2021 година врз основа на одлука на Советот за чувари на Исламската револуција, кој ги проверува кандидатите.
Меѓу кандидатите кои денеска се пријавија за претседателските избори е и поранешниот гувернер на иранската централна банка Абдолнасер Хемати.
Во четвртокот во Иран започна пријавувањето на кандидатите за претседателските избори закажани за 28 јуни.

Share on Facebook

Tweet

Follow us

Save