Бајден и Зеленски ќе се сретнат во Франција

Американскиот претседател Џозеф Бајден ќе се сретне со украинскиот претседател Володимир Зеленски во Франција за време на церемонијата по повод 80-годишнината од битката за Нормандија во Втората светска војна, објави советникот за национална безбедност на Белата куќа – Џејк Саливан.

Саливан вчера им изјави на новинарите дека САД не планираат да испратат воени инструктори во Украина, пренесува Ројтерс.

„Ним им треба повеќе воздушна одбрана и ние работиме на тоа и им треба постојан проток на оружје, што ќе го обезбедиме“, рече Саливан.

Бајден вчера пристигна во Франција за да ја одбележи 80-годишнината од битката за Нормандија во која американските војници ја нападнаа нацистичката германска армија во Втората светска војна.

Најавено е дека Бајден ќе помине 5 дена во Франција, каде што ќе зборува за време на церемонијата и, како дел од официјалната државна посета, ќе разговара со францускиот претседател Емануел Макрон.

Share on Facebook

Tweet

Follow us

Save