Макрон распиша предвремени избори по поразот на европските избори!

Францускиот претседател Емануел Макрон ја објави одлуката за распуштање на парламентот и распишување предвремени избори за Долниот дом на собранието.
„Го распуштам Народното собрание. „Наскоро ќе потпишам указ за распишување нови парламентарни избори, првиот круг ќе биде на 30 јуни, а вториот на 7 јули“, објави Макрон во неделата навечер.

Францускиот парламент се состои од Националното собрание и Сенатот.
Претходно повикот за парламентарни избори го упати и лидерот на десничарската партија „Национален собир“, Џордан Бардела (28), кој победува на изборите за ЕП.
Станува збор за партија чиј основач е Марин Ле Пен.
Бардела, кој вообичаено се противи на испорака на ракети во Украина за напади на руска територија, рече дека Французите ја отфрлаат политиката на Макрон.
„Ветер на надеж ја зафати Франција вечерва и тоа е само почеток“, рече тој.
Франција има право на 81 пратеник во Европскиот парламент.

Марин Ле Пен освои 31,47 отсто од гласовите на изборите за Европскиот парламент, додека Преродбата на Емануел Макрон освои 14,56 отсто, соопшти француското Министерство за внатрешни работи по пребројувањето на сите гласови.
Со ова партијата Марин Ле Пен освои 30 мандати во ЕП, а Макрон 13, пренесува „Фигаро“.
Социјалистичката партија исто така освои 13 мандати со 13,8 отсто од гласовите, додека партијата Неосвоена Франција освои 9,87 отсто од гласовите или 9 мандати.
Републиканците освоија 6 мандати со 7,24 отсто од гласовите, Еколошката партија 5,47 отсто и Реконквест 5,46 отсто, односно по пет мандати.

Share on Facebook

Tweet

Follow us

Save