Медиуми: Канада подготвува масовна евакуација на своите граѓани од Либан!

Канада подготвува масовна евакуација на своите граѓани од Либан доколку избие целосна војна меѓу Израел и Хезболах, пренесуваат „Канал 12“ и „Тајмс оф Израел“

Извештајот цитира разговор одржан денеска меѓу министерот за надворешни работи на Израел Кац и неговата канадска колешка Мелани Џоли.

Во извештајот се вели дека разговорот бил напнат и дека Џоли му рекла на Кац дека канадската војска подготвува планови за евакуација на 45.000 луѓе кои се канадски државјани од Либан.

Кац, наводно, ја повикал Отава да изврши притисок врз иранските поддржувачи на Хезболах да влијаат во терористичката група.

Сепак, Кац подоцна објави на Х: „Израел не може да дозволи терористичката организација Хезболах да продолжи да ја напаѓа нејзината територија и граѓаните, и наскоро ќе ги донесеме потребните одлуки. Слободниот свет мора безусловно да застане со Израел во неговата војна против оската на злото предводена од Иран и екстремистичкиот ислам.

Веста за наводна евакуација на канадски државјани се прошири и на социјалните мрежи.

Засега нема официјална потврда за наводната евакуација и разговорот меѓу двајцата министри ниту од канадска, ниту од израелска страна.

Share on Facebook

Tweet

Follow us

Save