INFOMAX.MK

Ветробранското стакло на џамбо џет Боинг пред неколку недели ненадејно пукна за време на летот од Лондон до Сан Франциско, што предизвика нови стравувања за дефект на авионите на познатиот производител.

Според Сан, инцидентот се случил на 27 мај кога Вирџин Атлантик Боинд Дримлајнер 787-9, кој бил полн со патници, во моментот кога бил меѓу Гренланд и Исланд и летал на 40.000 стапки.

Како што објави весникот, кој објавува и фото-документ со штетата, капетанот и копилотот на авионот во ужас биле сведоци на кршењето на четирислојното стакло три часа по полетувањето на леталото од Хитроу.

Иако немало опасност од депресоризација на кабината, како што ги уверувале патниците, тие на крајот донеле одлука да се вратат во Лондон. Компанијата им се извини на патниците и им понуди бесплатно ноќевање за да го продолжат патувањето следниот ден.

Извештајот на Сан истакнува дека висината на која летал авионот укажува на тоа дека не можел да биде погоден од птица, што дополнително ги збунува истражувачите. Температурата надвор од авионот во моментот на пукање била -50C.

Боинг ја помина можеби најсериозната криза во својата историја кога два авиони од овој тип се урнаа во Индонезија и Етиопија, без преживеани од вкупно 346 во авионот, кон крајот на 2018 и почетокот на 2019 година.

Причината беше главно софтверски проблем, системот MCAS, кој се потпираше на податоци од само еден сензор, а пилотите не беа обучени за тоа.

Целата флота на Maкс беше приземјена од март 2019 до ноември 2020 година. Проблемот беше решен и авионите од типот на крајот се вратија во воздух, но Max продолжува да има проблеми.

Неодамнешните инциденти со авионите на компанијата повторно ги разгореа стравувањата на патниците, како што посочуваат меѓународните извештаи. Минатиот месец капакот на моторот на Боинг 737-800 падна за време на полетувањето во САД. Летот на Саутвест Ерлајнс со 135 патници и шест членови на екипажот се врати во Денвер по полетувањето кон Хјустон.

Минатиот јануари се откачи врата од Боинг 737 Макс на Алјаска ерлајнс кој леташе од Портланд (Орегон) до Калифорнија.

Некои од 177-те патници и членови на екипажот се повредени.