МВР: Гужвите на „Табановце“ се поради прогласеното црвено ниво на безбедносен ризик од тероризам во Србија

Министерството за внатрешни работи денеска соопшти дека зголемениот временски период на чекање на ГП Табановце, за влез и излез од територијата на Македонија е поради прогласеното црвено ниво на безбедносен ризик од тероризам во Република Србија.

Како што стои во соопштението, граничните полиции на двете држави се во постојана комуникација со цел овозможување брз и непречен проток на патници и возила, но и соодветна контрола поради новонастаната состојба.

Oд Авто мото сојузот на Македонија утринава информираа дека на граничните премини „Табановце“ за влез во земјава и на „Богородица“ за излез кон соседна Грција се чека по половина час.

Поради летните одмори, гужви на овие гранични премини имаше и вчера.

Share on Facebook

Tweet

Follow us

Save