Мемов: Има интерес за пристапување на нови членови во ЗНАМ, кои се разочарани од раководството на СДСМ

Има голем интерес за нови членови, ги охрабрувам да дојдат во канцелариите на ЗНАМ, вели Никола Мемов, портпаролот на Движењето ЗНАМ.

„Сакаме да ја информираме јавноста дека во последниот период има значителен интерес за пристапување на нови членови во ЗНАМ, кои се разочарани од раководството на СДСМ, речиси во сите градови во Македонија. Во оваа пригода ги охрабруваме граѓаните по слободна волја да пристапат во канцелариите на Движењето ЗНАМ“, рече Мемов.

Зголемен интерес за членство во ЗНАМ сопартијците на Максим Димитриевски забележале веднаш по изборите на 8 мај, кога јавно рекоа дека вратите се отворени за сите заинтересирани.

Портпаролот Мемов најави дека до крајот на годината ќе се утврди процедурата за дооформување на новите општински организации за што било дискутирано на последната седница на Централниот одбори. За заменик-министри од ЗНАМ едногласно се избрани Мирослав Лабидовиќ и Радослав Настасијевиќ-Варџиски.

Share on Facebook

Tweet

Follow us

Save