(Видео) Протече снимка од разговор меѓу Трамп и Роберт Кенеди Јуниор по обидот за атентат

Американскиот претседателски кандидат Роберт Кенеди Јуниор по атентатот имал разговор со поранешниот американски претседател Доналд Трамп, а снимката од разговорот случајно била објавена на социјалните мрежи.

Во разговорот се слуша како Трамп детално објаснува како го погодил куршум, но и раскажува за што разговарал со Бајден.

„Ми се јави и му кажав дека во тој момент ја гледам табелата. Не му кажав дека графиконот покажува имиграција под негова администрација. Само што се свртев кон табелата и нешто ме погоди, како најголемиот комарец на светот“, рече Трамп.
Тој додаде дека Томас Метју Крукс користел сериозно оружје, пушка АР-15.
Кенеди му се извини на поранешниот американски претседател и рече дека видеото не требало да биде објавено. Тој изјавил дека повикот дошол додека бил со камерманот и дека требало да му каже да престане да снима, пренесува АП.

Share on Facebook

Tweet

Follow us

Save