АКО КУПУВАТЕ КОЗЈО МЕСО ПРАШАЈТЕ ДАЛИ Е УВОЗНО: „Козја чума“ се појави во Грција

Грција го забрани транспортот на овци и кози во обид да ја спречи многу заразната инфекција позната како „козја чума“.

Грчките медиуми информираат дека случаи на болеста се откриени во централниот регион на Лариса и на југ во Коринт.

Локалните власти досега тестираа илјадници кози и овци, а дополнителни 120.000 треба да бидат прегледани до крајот на јули.

Вирусот, кој уште се нарекува и „Peste des Petits Ruminants“ (PPR), убива 80 до 100% од заразените животни, но не се пренесува на луѓето.

-Во цела Грција е забранет транспорт на овци и кози за парење, гоење и колење. Забраната е воведена со цел да се ограничи ширењето и искоренувањето на болеста – изјави министерот за земјоделство Константинос Цијарас.

„Ветеринарните служби во Грција соопштија дека е безбедно да се консумира млеко и месо од заразени животни по готвењето“, соопшти грчката влада.

Од извозот на кози Грција заработува околу 36.000 евра, а најголеми купувачи се Албанија, С Македонија, Романија и Германија, покажуваат податоците на Светска банка.

Според регулативите на ЕУ, целото стадо мора да биде заколано кога ќе се потврди случај на козја чума, по што целата фарма се подложува на дезинфекција.

Share on Facebook

Tweet

Follow us

Save