(Видео) ГОЛЕМ ПОЖАР во фабрика во Кавадарци

Пожар вечерва зафати фабрика во Кавадарци, јавуваат читатели на Инфомакс. Како што велат кавадарчани пожарот траел околу два часа, но бил изгасен благодарение на брзата реакција на пожарникарите.

За пожарот на Фејсбук информации сподели и градоначалникот Митко Јанчев.

– Голем пожар во фабриката Ником.

Службите на ТППЕ Кавадарци во полн состав од 30 пожарникари на терен напорно интервенираат со цел пожарот што побргу да се стави под контрола и целосно да се изгасне.

Дополнително интервенираат и екипи на ЈП Комуналец, Голд Никел и ШС Бор, како и екипи од Велес и Неготино. – напиша Јанчев на Фејсбук.

Засега нема информации за причините за пожарот и дали има повредени луѓе.

Share on Facebook

Tweet

Follow us

Save