Зеленски: Украина подготвува одговор на руските ракетни напади

Украинскиот претседател Володимир Зеленски денеска разговараше со главниот командант на вооружените сили на Украина, Александар Сирски, за одговорот на денешните руски ракетни напади.

-Денот го започнав со подолг разговор со началникот на Генералштабот Сирски, каде што разговаравме за одбивањето на ракетниот напад и нашиот одговор на Русија. Подготвуваме одговор, како во однос на употребата на Ф-16, така и во врска со операцијата во Курск, продолжуваме со акциите во областите онака како што и е потребно на Украина, рече Зеленски во своето вечерно видеообраќање, пренесува Укринформ.

Според него, одбранбените сили во текот на последниот ден добиле поголема контрола и повторно го зголемиле фондот за размена.

Сирски исто така го информирал Зеленски за состојбата на фронтот во областа Доњецк, особено во правец Покровск, Времив, Торецк и Курахив.

-Како резултат на тоа, донесени се одлуки за зајакнување на украинските позиции, додаде Зеленски.

Share on Facebook

Tweet

Follow us

Save