ЦИА: Терористите планираа да убијат десетици илјади луѓе на концертот на Тејлор Свифт
Ова на самитот на разузнувачките официјални лица недалеку од Вашингтон го откри Дејвид С. Коен, заменик директор на Централната разузнувачка агенција на САД (ЦИА)
Откриените планови доведоа до откажување на сите три концерти на Свифт што требаше да се одржат на почетокот на овој месец во Виена, објави „Холивуд репортер“.
Службеникот на ЦИА сподели нови детали за истрагата што доведе до откажување на концертите и покрај огромното разочарување на многу фанови на популарната пејачка.
„Терористите планираа да убијат голем број луѓе, десетици илјади од нив на концертот. Сигурен сум дека меѓу нив и голем број Американци“, рече Коен и продолжи:
„Австриските власти беа во можност да го извршат апсењето благодарение на Агенцијата и нашите партнери во разузнавачката заедница кои дадоа информации за група поврзана со Исламската држава“.
Потсетуваме дека на 7 август „Баракуда мјузик“, промоторот на концертот на Тејлор Свифт, објави дека ги откажуваат сите три планирани концерти во Виена поради терористички планови за напади на стадионот.
Австриските служби уапсија три лица кои го планирале нападот, меѓу кои и едно кај кое е пронајден материјал за изработка на бомби.
Заменик директорот на ЦИА не откри како Агенцијата дошла до информацијата дека се подготвува терористички напад во Виена. Британскиот „Тајмс“ објави дека на трите концерти во австриската престолнина требало да има околу 200.000 луѓе.
Самата пејачка долго време не го рекламираше откажувањето на настапот, а неодамна објави порака на Инстаграм.
„Откажувањето на концертите во Виена беше поразително. Причината за откажувањето ме исполни со ново чувство на страв и огромна количина на вина бидејќи толку многу луѓе планираа да дојдат на концертите. Исто така, бев многу благодарен на властите бидејќи благодарение на нив тагувавме за концертите, а не за загубените животи . Бев воодушевена од љубовта и единството што ги видов кај фановите“, рече таа.
Потсетуваме, еден од уапсените за подготовка на нападот е и Беран А.(19) по потекло од Македонија, кај кого било пронајдено различно оружје, детонатори и неколку десетици илјади фалсификувани евра. Неговите родители се од Гостивар, а нивните соседи биле шокирани, наведувајќи дека тој бил тивко дете.
Еден од уапсените (17) е роден во Виена со потекло од Хрватска. Тој веќе ѝ бил познат на полицијата. Третиот е петнаесетгодишник со турско потекло.
ПОВРЗАНИ ВЕСТИ
56-годишна жена тешко повредена откако била удрена…
Жена од Тетово се здобила со тешки…
Познат идентитетот на загинатиот воен пилот, се…
Авион МиГ 29 на српската армија од…
Си-Ен-Ен: Американското разузнавање верува дека Иран подготвува…
Нови разузнавачки информации на САД укажуваат дека…
СКАНДАЛ ВО ГЕРМАНИЈА: Милиони документи на Дојче…
Повеќе од 15 милиони доверливи документи и…
ВМРО-ДПМНЕ: Политичкото лешинарство има име Венко Филипче,…
Денес СДС најави протест во Охрид каде…