САД: Сериозно ги сфаќаме предупpедувањата од Pycија

САД не го променија ставот по прашањето за забрана на вооружените сили на Украина да користат американско оружје за напади длабоко на руска територија, изјави координаторот за стратешки комуникации на Советот за национална безбедност на Белата куќа, Џон Кирби.
„Нема промена во нашиот пристап по ова прашање. „Не би очекувал нешто да се промени денес“, рече Кирби.

Тој исто така додаде дека САД сериозно ги сфаќаат изјавите на руското раководство за последиците од укинувањето на ограничувањата за употреба на американско оружје.
„Не реков дека не ги сфаќаме сериозно заканите на Путин. Ги сфаќаме сериозно“, рече Кирби, но нагласи дека Вашингтон при донесувањето на одлуките се води според „своите проценки“.

Претходно рускиот претседател Владимир Путин најави дека употребата на западно оружје со долг дострел против Русија ќе значи директно учество на земјите од НАТО во конфликтот во Украина.
Да потсетиме, американскиот претседател Џозеф Бајден денеска треба да разговара со британскиот премиер Кир Стармер за тоа да му дозволи на Киев да користи западно оружје со долг дострел за гаѓање цели длабоко на руска територија.

Share on Facebook

Tweet

Follow us

Save