РЕК – Битола меѓу најголемите загадувачи во Европа

Зголемено е загадување со јаглен во државите од Западен Балкан , стои во најновиот извештај за 2023 година , што го објави „ Бенкуоч“- мрежата невладини организации што се занимаваат со екологија. Нотираното зголемување на загадувањето на воздухот се однесува на присуството на сулфур диоксид. Во БиХ, Србија, Косово и Македонија, лани загадувањето со сулфур диоксид е зголемено за 5, 7 пати над дозволеното, што е негативен тренд на пораст во однос на 2022 година, кога изнесувало 5, 6 пати над дозволеното. Според извештајот , РЕК – Битола остана еден од наголемите загадувачи во Европа со сулфур диоксид, со што штетно влијае врз здравјето на граѓаните.

Од невладината „ Еко свест“ велат дека наодите од извештајот се исклучително загрижувачки , особено делот дека емисиите од електраните воопшто не се мерат.

Блоковите Битола -Б1 и 2 и Битола- Б3 во РЕК „ Битола“, испуштија околу 70 000 и 30 000 тони сулфур диоксид соодветно, што е повеќе од 10 пати над нивните индивидуални плафони. Овие емисии не се базирани на никакви реални мерења , иако таа обврска за мерење и континуирано следење на емисиите , постои. Ова значи дека треба да се работи на следење на загадувањето , следење на состојбите , менување на начинот на работа .
Транформацијата кон зелена енергија ни е обврска , што е нагласено и во извештајот на „ Бенкуоч“, но таа не се спроведува , вели Конески.

Сега е очигледно дека и понатаму се планира отворање на нови јагленокопи , со што инвестициите се насочуваат таму, наместо кон намалување на загадувањето и кон енергетска трансформација.
Според извештајот , во 2023 година е забележано зголемување и на загадувањето со прашина од 1, 75 пати над дозволеното, што е минимално намалување во однос на 2022 , кога било 1, 8 пати , а емисиите на азотните оксиди се за 1, 3 пати повисоки од дозволеното.

Неопходно е постепено и етапно заменување на застарената опрема , вклучително и во РЕК „ Битола“, со иновативни технолошки решенија при преминот кон обновливи извори на енергија. Тоа е зацртано во сите стратешки документи на Македонија, дополнува Конески.

Share on Facebook

Tweet

Follow us

Save